يعني يوم حدت العيد يا ... قررت أزجم
"الله يعافيكم ويسلمكم من الشر" << وايد واثقة حد بيقولها شي لول
المشكله قررت اليوم اني اعالج نفسي بروحي .. مابقول اسوي عمري دختوره
لا .. قلت بقلد امي وخبرتها في الادويه .. وبكل ثقه سرت دقيت على امي الباب
بعد ما جلبت اكياس الادوية اللي عندي وقررت اخذ هالحبوب وبلعتهم
نرجع لدق الباب بثقه وانا احس عمري اقلد امي
((امايه .. ابا جاي حليب بزنجبيل بتسويلي؟))
"بسويلج"
((امايه انا مريضة))<< يعني اول مره اشوف حد يقولها بكل تفاؤل
((وترااااااني مزجمه وخذت لي حبتين مضاد حيوي))
"شكلي مثل هاي تقريبا وانا اخبرها"
فجاه امي تفتح الباب عشان تشوفني وتتاكد
"خذتي مضاد حيوي؟"
((هيه))
"وانتي مزجمة"
((هيه)) << طبعاً أقووولها وانااا قمة فالثقة وجيه جني يبت العيد
"أوكيه ، لانه الزجام ما ياخذون له مضاد حيوي؟"
باختصار تفشلت
جيه الفشلة بيني وبين عمري
يوم احس عمري سويت انجاز .. واخر شي
حضرتي مخبصه ادوية على كيفي -_-
المهم مباركن عيدكم .. وكل عام وانتو بخير
وهب تنسون باجر تصومون عرفة :) ...
ويا مرحبا الساع
آآتشووو ... اممم ... احم ... الحمدلله
اعتقد تأثير الزجام فالموضوع واضح لووول
7 comments:
أوه سلامات والله :"___": انا عيالي بعد مريضين :( ليل دي الف سلامة وما تشوفين باس يارب..أهم شي المضاد هذا كيف تاخذينه؟؟؟المضاد للبكتيريا وليس الفايروسات..ولو عندج لوز أو التهاب تاخذينه..غير جيه لا تاخذين مضاد..
خذي حبوب فلودركس من الصديلية ممتازة..واشربي هالخليط من الأعشاب(زعتر فريش - زنجبيل فريش - عسل أصلي - يانسون حب - )وخليهم على النار..ويوم يخلص اعصري عليه ليمونة كاملة واشربيه اكثر من مرة في اليوم..ما بيخوز الزكام بسرعة البرق ولكنه يعجل بالشفاء باذن واحد أحد
سلامات
ما عليج شر
ان شا الله اول يوم العيد
بتكونين صحيتي خلاص
وكل عام وانتي بخير :)
لوول .. عليج سوالف فنتكه
أجر وعافيه وما تشوفين شر حبيبتي
وكل عام وجميع الأمه الاسلاميه بخير ;*
يوووه كلنا والله فلووو لي كم يوم وبعدين لاحظت انوو كل سنه بنفس هالوقت يكون الفو لاعب فيني لعب خخخخ الله يعافينا يارب
أجر و عافية أختي .. و كل عام و أنت بخير .. !!
سلامات سلامات
الظاهر كنت يتجيبي العيد الثاني ببلعك للأدوية ولا انت عارفة هذا لأيش ولا هذا
ههههههههه
دكتورة المستقبل
[url=http://www.blogsplosion.com/?u=videoseallison4]Amazon Video Converter[/url] [url=http://www.pinskerdream.com/bloghoster/?u=videoseannora5]Easy RM RMVB to DVD Burner[/url]
HT TVR Hash 3gp Converter
http://www.blogportalen.no/blog/?u=videoseallegria9 Apt Video Converter
[url=http://www.pinskerdream.com/bloghoster/?u=videosealexus8]1 DVD Ripper 6.1[/url] [url=http://www.blogsplosion.com/?u=videoseantonette4]OJOsoft iPhone Video Converter[/url]
1 Click Copy DVD 5.1.1.5 1Click DVD to iPod 1.1.1.4
http://www.drawingboard.org/blogs/?u=videosealetha5 FastStudio MP4 Convert to Any
Photo DVD Maker Professional 7.90
my icq:858499940385
Post a Comment