Friday, July 16, 2010

Germany 2010 Part 2 - Garmish

يمكن انزل المواضيع بنوع من العشوائية مب بترتيب الرحله
وبعد خلوني اقولكم ان الجو حر موت ولله الحمد لوووووول
والامارات كلها في المانيا - ماعرف شو السر بالضبط؟
ولكن زين شفنا ناس ما شفناهم من زمان هههههه 
وناس ما توقعنا نشوفهم :-) شي جميل كلنا نصيف رباعه

نسيت اقولكم اني مصوره وايد؟
لكن بحط بعض الصور
شكلي بفتح اكاونت يديد في فلكر
Traveler ^____^

-------------- قارميش ---------------

انا احب قارمش رحتها من قبل وتحمس
على طلب صديقتي 
Charme Eyes
بديت اصور الطبيعه اكثر عشان تشوف !!!
وهنا بدت الرحله
حر وشمس! ولكن اللون الاخضر غاااالب
بعد ما وصلنا قارمش .. قلنا ندور اقرب مكان للتلفريك
وبعد ما دفعنا التذاكر يلسنا نتريا :)
الحلو بس المواقف اللي تصير مع العائلات الثانيه
كل حد مب عارف وين الله حاطنه والكل يضحك
بعد ما حنيت على راس الوالده ركبت التلفريك بدون تذمر
بس طول الوقت تذكر الله وتقرى قران وحليلها :) حسيت اني شريره
بس خلها تجرب  .... صوره من التلفريك
مايخوف صح؟
طبعا كالعاده بتستقبلنا الغربان اللي تروع
ماطعت اقرب منهم لان شكلهم يوحي انها بتفقع عيني
زوووووم وجك بوووم يت الصوره 
^___^
الهوى والجو بارد
ووايد متسلقين كانوا واصلين بدون تلفريك طبعا
ونحن نتحسر ع اللياقه ههههههه
انا كنت اصور في امان الله
مالقيت الا اليهال كسروني! متاثرين بافلام الرسوم
حرب بكور الثلج!
وانا اقولهم يا عيال الحلال خلوني فحالي
الا مره فراسي ومره يخيسون ثيابي!
اخر شي انا خليتهم ورحت لول
فوق اليبل شي كنيسه , هاي اول مره اتجرا واسير صوب كنيسه
ويبالها شوي نطلع فوق!
بصراحه اول شي انا صورت من برا
ماطعت ادخل! بس اللي فالكنيسه ينظفها ومادري شو
قالي ادخل اصور داخل
(بحط الصور بعدين في اكاونت فلكر ان شالله)
بس هاي من داخل
بصراحه كان عندي فضول شديد! 
تميت اشوف كل شي بتمعن!
وعقب نزلنا نتغدى وانا عشان ماعور راسي
قلت لهم اني انا فجتيريان وابا بس خضره
ويسونها وانتو واقفين عشان اتكون حاره
طبقي اللذيذ - يغدي عائله!
بعض المناظر من فوووق
وهنيه
الموهيم, بعد ما خلصنا وريحنا وشفنا الثلج والغيم والجو البارد
قلنا ننزل ونسير البحيره (عطووول عدال التلفريك)
واجرنا قارب - وهاي اول مره اتجرأ واركب قارب
وبصراحه فلخت اول شي بس عقب عادي :)
قلت اجرب اشيا يديده فحياتي بدال ما اتم اشوف من بعيد!
من القارب
وهنا
وايضا هنااا
بعد ما تعبنا من القارب (رياضه رياضه)
قلنا نرجع احسن :)
ونختم الرحله بماقنووووووم
مادري ليش مرتبط الماقنوم بالمانيا :)
يمكن لانه فكل مكان هناك؟



وووو الى الحلقه القادمه ان شالله 
^___^
وشكرا على جميع تعليقاتكم و ع المتابعه!

6 comments:

Anonymous said...

جميلة الصور

الله يسعدكم

:)

نـ(المطيري)ـازكـ said...

ما شاء الله عليكم بالعافية ..

التلفريك جربتة بالاردن صج كان مرعب لووووول ..

الجو واااااايد حلوو ما شاء الله ..

^_^

رورو الشخبوطه said...

نايس ماشاءالله..

مشكوره..

Anonymous said...

الحمدلله على السلامة و بالعافية ان شاالله
يا حلو المانيا :)
ناطره الصور:)

مهرة سالم said...

السلام عليكم...
ماشاء الله صورج وايد حلوه
سبحان الخلاق فيما خلق
...
خاطريه في ماقنوم
...
في حفظ الله

لطيفة الحاج said...

حمدلله ع سلامتكم =)
ويبدو انها كانت رحلة ممتعة ..

متابعين التقارير ..

مس يو وايد .. ;)