أحم أحم، اليوم سويت لهم العشى فالبيت
كالعاده يوم الجمعه وانا فاضيه؟
تجربه اولى للفتوشيني
Italian Fettuccine with Chicken and Mushrooms
وقلت احط لكم الطريقة!
هاي الصورة
المقادير:
معكرونة مثل هاي
كريمة طبخ
مشروم طازج
كزبرة
جبن كرافت
جبن موزاريلا
ملح
فلفل اسود
زيت
بصل مفروم (شووي)
اعشاب ايطاليه (عطرية) مختلفة
دجاج مسلوق ومفتت (او مقطع صغير)
الطريقة:
المعكرونة
أول شي نحط المعكرونه فالماي
مع رشة ملح وشوي زيت عشان ما تلصق
نخليها لين ما تستوي (انا احبها تكون لينه)
ونشخلها (نصفيها) من الماي ونخليها ع طرف!
الخلطه:
نحمس البصل المفروم فالمقلاه لين مايصفر
نضيف معاه المشروم لين ما يذبل
بعدين نضيف الدياي المسلوق المفتت او مقطع صغير
(ممكن تضيفون بروكلي بس انا ماحبه - والدجاج اختياري)
المهم بعد ما تشوفون كل شي ذبل تضيفون عليه الكريما
وتخلطونه عدل واذا شفتوا ان الكريمه ثجيله حطوا ماي
بعد ما تغلي الكريمه ضيفوا ملعقتين جبن كرافت
وبعدين ضيفوا الاعشاب اللي تبونها مثل:
الريحان، اكليل الجبل .... الخ
لا تنسون الملح والفلفل!!
وضيفوا الكزبره اخر شي
مثل ما تطاعمون الصلصله بيكون طعم المعكرونه
فانتوا عدلوا عليها مثل ما تبون
المهم بعدين تضيفون المعكرونه ع الخلطه هاي
وتخلطونها، وتضيفون رشه من جبن الموزاريلا
(جبن الموزاريلا بتخليها تمايط يوم تاكلونها يم يمممم)
واخر شي رشوا عليها كزبره مفرومه :) طعمها لذيذ!
وهني وعافيه!!!
Big Thanks for my sister in law!
cuz she told me how to cook it :)
cuz she told me how to cook it :)
لا تنسوني من صالح الدعااااء
2 comments:
برافو عليج
انا اسويها بس بطريقه غير شوي
بس جان طرشتي صوبي شوي شكلها لذيذ عاد انا نقطة ظعفي المكرونة
تسلم ايدج
و بالعافية يارب
Post a Comment