Tuesday, October 12, 2010

MultiSure For Women (Vitamins) فيتامينات

السلام عليكم والرحمه
الفترة اللي طافت كنت اعاني من ضغوطات الله يعلم بس كيف
وهالفترة بالذات الاكل صار نوعا ما غبي، مب جنك لكنه اكل مب صحي
خصوصا اني اوني بسوي رجيم، لكن ما اكل ويوم باكل بكل حلاوه؟
او شبس؟ او شي جيه مايخصه فالاكل الصحي
مع التوتر وغيره، قام شعري يحت (يطيح)
وغير جيه اظافري بدت تتكسر بدون سبب!
والدوخه وهالاعراض اللي ممكن تيي حق اي حد بدون سبب
>> بدون سبب؟
المهم بعد فحص الدم لقيت ان ناقصني حديد؟
ضحكت وماخذت حبوب الحديد اللي وصفها الدكتور!

بس الموضوع صار سيريس! وكنت اناقش صديقتي
وقالت لي عن فيتامينات بدت تاخذها
هالحبوب عباره عن مجموعه فيتامينات مب بس حديد :)

رحت الصيدليه وقلت لهم ابا مجموعه فيتامينات
واهم شي ما تمتن لووول ،، 
وحسب العمر عطوني 
MultiSure for women

يحتوي على كل الفيتامينات اللي تحتاجها المرأة


ها صورته
هو المفروض مرتين فاليوم او حبه بس تكفي

شي من الفايتمنس بعد للرياييل!!! وحسب الاعمار بعد :)
هنيه انواع ثانيه:
http://www.wnpharmaceuticals.com/product_list.asp?kw=multisure&mode=Find

الموهيم :) حبيت اشاركم 
وان شالله تستفيدون خصوصا انه مب يعني دوا يحتاج وصفه طبيه

والسموحو

4 comments:

رورو الشخبوطه said...

جربتيه ولا بعدج؟؟

انا مشكلتي بشعري..

وان شاءالله تشوفين النتيجة اللي تسرج يارب..

ومشكوره..

lil.D said...

الحين صار لي ثلاث ايام استخدمهم تقريبا يا رورو
وحبتين فاليوم
انا عندي اصلا نقص حديد
لكن اي حد ثاني عادي لو بياخذ حبه

واحس المفعول صاير ان الدوخه قلت ولله الحمد :)
بكمل شهر وبنشوف! لو بيوقف تساقط الشعر!


يسلموو

Unknown said...

الله يشفي الجميع
دائم الافضل التعويض بالاكل الصحي
كثير من الحبوب مجرد احساس نفسي بالتحسن
النوم وعدم السهر خاصة في الاوقات بعد صلاة العشاء الى قبل صلاة الفجر مفيدة جدا للجسم

Unknown said...

الله يشفي الجميع
التعويض بالاكل الصحي افضل
تخصيص اوقات لرياضة يوميا حتي لو كان مشي سريع بين 30الى60 دقيقة يومي
تجنب السهر وافضل اوقات لنوم بعد صلاة العشاء الى قبل صلاة الفجر
القليل يحتاجون الى بعض الحبوب خاصة الحديد.