My Trip To Germany (1) رحلتي إلى آلمانيا

اللي يخليني اموت بس عشان اسافر هو التصوير

ساعات اصور اشيا غريبه ويعلقون علي اللي حولي!

بس شسوي :) احب التصوير ،، هالمره بحط لكم صور

من رحلتي الى المانيا، مابسولف وايد واحشركم

دام فليكر بلووك ،، بنجلب البلوق فليكر مصغر لول

انجووووي 

ميونخ - ١


بصراحة أحب أكل الطيارة حتى لو تقولون مثل اكل المستشفيات
سم هاو احس اني مسافره لول - المهم هالسندويجه كانت مثلجه
واعتقد كانت دياي ،،،، والكوفي :( مااايسد لو كم اشرب!! لانه بصراحه
الرحله كانت فالليل ،، وماااحب جيه لاني مستحيل ارقد فالطياره
لا الواحد يعرف يرقد ولا يعرف يقرا فالظلام ولا يستمتع بالافلام!

حبيت هذا الشي الجميل اللي اتمنى اشوفه هنيه
ظنكم بينفع لو نسويه فالامارات؟ عندنا مهب؟

أوكيه!! كل شي فالمانيا كوم!! والمخابز عندهم كوم ثاني!!!

هالخبز مالهم بالحبوب وايد لذيذ! صدق احلى شي كلته هناك

استمتعت فيه حتى اااااخر ،،،، حبه لوووول

هنيه كان منظر جميل من دريشة الشقة!

هالباص يا كثر ماشوفه فدبي وبوظبي وعمري مافكرت اركبه

حتى اول يوم فالمانيا يوم شفته تجاهلته بشده ،، بس انتهى الامر فينا

ان جربناه لووول والقهر انه يحوووط وفي اماكن نبا ننزل فيها

بس شنو؟ مادل شرقي من غربي فما تفلسفت وتميت اشوف بهدوء

هيه صح شي سماعات تسمعون فيهن شرح الاماكن!

ماعرف شو ها بالضبط بس كان على يدار وحبيت اصوره بس جيه

<< اونه حركات

هنيه وين المارين!  ،، هالنافوره العجيبه

الكل يتصور هناك ،، وانا مع الخيل يا شقرا!

قلت بصور بعد لوووول 

هالمبنى كان كله ورد برتقالي ،،، حلو شكله 

مب لذيذ مب لذيذ مب لذيذ

كريمه !! بس!

المبنى اللي قلتلكم عنه؟

هذا روعني!!!!! يوم تحرك!! ماشفته عدل اول شي

الورد جميييل! ليش ماعندنا محلات ورد جيه؟

حتى تفتح النفس انك تشتري منها بداعي ولا من غير داعي لول

هنيه فالمارين مبنى كبير ،، ماحطيت صور له

بس مع الزوم شفت هالاشيا الجميله! ،،، شو هالمبنى؟

كل شي مكتوب هناك بالالماني، ،،، مافهمت شي!

الأكله المرافقه لنا طووول ايام السفر!! البطاطا

حبيت لبسهم بس محلاتهم تبند بسرعه

كنت ابا ادخل اشوف :)

الوالد الله يطول بعمره شافني مصوره هالصوره!

انا حليلي شفت درجات الاحمر والزجاج والابيض

حسيت ان اعلان حلو ،،،، صورته عشان جيه!! ولكن

هيهاااااات! شافه الوالد وهزبني هزبه محترمه 

اونه مصوره الخمر يا مسوده الويه؟ لووووول

قلت له مصوره الاعلان <<< اهم شي التفسير!

هاااااااالمحل عذااااابي مت قهر انه مبند! انا وايد احب البومه

وهم مادري شو قصتهم تارسين المحل من منحوتات البومه!

اوحيبوها كثيرا كثر ما تحب شاي الضحى فيول!! بس تميت اشوف

وصورت اشيا من محلهم على امل ان نرجع مره ثانيه ولا رجعنا لول

صور من الحدايق هناك ....

يم يم من ستار بكس ،،، اول مره كلتها كانت في تركيا

عقب سيده طلبتها يوم شفتها فالمانيا ،، كيكه الجزر

من اسمها الواحد يحس في شي غلط لول بس لذيذه جربوها

تخيلوا؟ الجو كان عادي وحلو وجميل عقب نفاف بسيط

ونحن نتمشى ولا مظلات ولا شي ،، ومره وحده تسبحنا بالماي!

ههههه عاد لين وصلنا الشقه .،،، كنا ماخذين فري لايف لاندري!

استمتعت فاول يوم ،،، كان يوم استكشافي!! بس كرهت عمري فالمارين لول
حسيت اني فدبي! لا لا ،، كميه العرب والخليجين فالمارين اكثر من دبي
اذا مضيعين حد من ايام الابتدائية ،،، بتحصلونه هناك!
^ـــ^




Will be continued! 

كتاب الروح ،،، وموقف لا أحسد عليه !!!!

بعد ما خلصت كتاب (عايزة أتجوز) بديت الكتاب الثاني اللي اشتريته ايضا من مكتبة المجرودي (الروح - لابن قيم الجوزية) الكتاب يتكلم عن ما ذكر عن الارواح للأحياء والأموات من الكتاب والسنة، الكتاب يتكلم عن حياة البرزخ ويتكلم شو وين تكون الروح وكيف العذاب وغيره، مع ذكر قصص عديده مرت ايام الرسول عليه الصلاه والسلام والتابعين! ،،،، الموهييييم!!! كنت اقرى فصل عذاب القبر وبعض القصص عن الناس شو يستوي فيهم ،،،، وانا صرااااحة خفت من هالبارت!!! وتخيلوا الجو اللي اقرى فيه الكتاب،،،، نص الليل ،،، الليتات مشغله ،،، وفقط ضو ء خافت!!! ،،،، ومن الخوف ،،تميت اقرى آية الكرسي أكثر من مرة ،، واتعوذ من عذاب القبر واسال الله حسن الختام!! وكل شوي الف فالغرفه واتخيل ان شي بينقز بويهي (مع ان الكلام كان عن المقابر، بس مادري شو ياب سالفة الين "الجن" فمخي) المهم ،،،، بعض القصص كانت ان بعض الناس يوم ينحطون فالقبور ،،، تنجلب ويوهم (يعني ما يكونون مجابلين القبله) ،، وناس في قبورهم نيران ،،، وكلام وايد ،، وطبعا اكثر  هالقصص كانت من ناس كانوا (ينبشون القبور) وتابوا!!  وواحد منهم قال ان تاب من اللي كان يشوفه ،،،، بااااي ذا وي !!! وانا اقرا الكتاب استغربت ان في ناس تنبش القبور!! يعني شو الغايه من ان ينبش قبر شخص ميت؟ ،،، حالات نفسيه!!! ،،،، نرجع لمحور حديثنا ،، وصلت مرحله اني قلت احسن لج يا ليل دي تعينين من الله خير وتوطين راسج وترقدين وتقرين باقي الكتاب الصبح ،،، على شو افلام الرعب تالي الليل؟

وفعلا تركت الكتاب وبندت الليت!!! وغمضت عيني بهدوء تام جدا جدا ،،، وتوني خلاااص بدخل عالم الأحلام ،،، سمعت صوت غريب وفجأه هالصوت ارتفع بسرعه ،،، صدقوني اني فزيت فزه مابا من عقبها شي!!! حسيت ان عصبه بتيني فظهري من هالفزة ،،،،، وشوي رد صوت ثاني مثله بطريقه تخوف ،،، انا هنيه قلبي كان يقولي باااي بااااي !!! ....تروعت ،،، توني اقرى عن المقابر وعذاب القبر والقصص اللي يشوفونها فالمقابر!! يواحيلي اعيش اكشن :( ليييش انا فالبيت هب فمقبره ،،،، ومع اشتداد الاصوات ،،،، اتضحت الرؤيا !!!! الله يغربلهن من (قطاو) !!! ودرن البيت كله وين يتظابن عن دريشتي تالي الليل !!!!!!!!!!!!  قسم بالله كرهتم كره اكثر من اللي قلت لكم عليه فها الموضوع :بديت أكره القطاو ،،،، مابا اقولكم شعوري كل ما كان الحديث بينهم يشتد!! لأول مره في تاريخ البشرية تمنيت اني اجتل قطوة!!! 

على العموم بعد فلم الرعب اللي قلته لكم ،، ترا الكتاب يتكلم عن الروح بشكل عام ،، يعني مب المقابر والبرزخ وغيره ،، في عن النعيم ،،،، وهذا مجرد فصل من فصول الكتاب بس القطاو أثرن فيني نفسياً ،،،، فيوم بخلص الكتاب بعطيكم ريفيو صحيح عنه هههههه ،،،، الله يهدي القطاو >>>> احلفي بس؟

عايزة أتجوز ،،،، !!

في يوم جميل، شفت لطيفة الحاج اللي عندها ادمان شي اسمه (كتب)، كل ما اشوفها تخبرني عن قائمة بالكتب اليديدة اللي اشترتها (والله اعلم لو الاخت تخلص هالكتب ولا بس عندها هواية التجميع) لوول، المهم انها مره قالت لي عن كتاب اسمه (رز بلبن لشخصين) وفي سياق الحديث قالت لي عن كتاب اسمه (عايزة أتجوز) وجه الشبه بين الكتابين ان الكتابين تم كتابتهم في مدونات اول شي وعقب قاموا وسوهن كتب ،،، مثل سالفة بنات الرياض تقريبا!! الموهيييم، عند تجولي في ربوع مكتبة المجرودي (طبعا اللي فبوادي مول) شفت هذا الكتاب الجميل:

تشوفون الكتاب كيف يلمع؟ أصلا الكتاب يقولي يااااالله يا ليل دي اشتريني ،،،، الرسمه اللي ع الكتاب واللون الاخضر؟ صراحه اختيار موفق ،،،، حتى نوعية ورق الكتاب كانت من المحببه لي (اللي تكون شوي خشنه وجافه وما تلمع) تحسسني فعلا اني اقراء كتاب ،،،، تووووكلت على الله وقلت مااااا بدهاااااش يا ليل دي (متاثرة فالكتاب)  ،،،، امي شافته طبعا وعطتني محاضرة فالأدب والاخلاق ،، من عنوان الكتاب لووول !!! وقلت لها ان الكتاب مب يعني اني ابا اعرس ،، هو مجموعة قصص ساخرة مرت فيها صاحبة الكتاب ،،، وسكتت عني ،،، انا ما اعرف بالضبط هل هي سكتت عني لانها فقدت الأمل فيني ولا لانها صدقتني!! لووول ،،، الموهيم خلوني اخبركم عن الكتاب:

الكاتبة: غادة عبد العال ،،، دكتورة "صيدلانية" ،،،،ممم

الكتاب: يتحدث عن الضغط اللي تمر فيه البنت كل ما تكبر وانها ما عرست!!! باسلوب ساخر ومضحك جدا

القصص: قصص مرت الكاتبة فيها وصديقاتها ،، تتحدث فيها باسلوب كانها تتكلم عن نفسها وامها وابوها

لغة الكتاب: مكتوب باللهجة المصرية

الكتاب ترا فعلا جميل ومضحك ،،، وصدق حبيتها وهي تكتب ان كل مره حد يعاتب البنت ويتهمها انها تتشرط ع الرياييل ومادري كيف او ان هيه كبرت وماعرست وكل الضغط عليها جنها هيه السبب ،، وحاطه امثله من الناس اللي يتقدمون ههههههه لووول المهمم بحط لكم مقطع وصفحه من الكتاب,,,, اضغطوا ع الصور عشان تشوفونها بحجم كبير وتقرون

المهم الاخت برااايد مثل ما تسمي عمرها ،، عندها مدونه ،،،، فيها هالسوالف كلها ممكن تقرونها:
http://wanna-b-a-bride.blogspot.com/

Take Care all 

and I hope that bride got a husband now 

Dried Fish XD Se7nah or something

صوره نادرة جدا صعب الحصول عليها

لول ... سحناه جاشع ولا شنو؟ سمج مجفف ههههه

الريحه فظيعه ولو ان الشكل حلو -ـ-

من رفوف السوبرماركت !!

ساعات يوم احوط فالسبرماركت اشوف اشياء غريبه

وبصراحه انا احب اجرب، او ع الاقل عادي اتم ساعه عشان اقرى شو هالشي!

بعض الصور من تيلفوني!! قلت بدال لا تغبر

اشاركم اياها

اول شي شبس مسافي!!!

انا يوم شفته قلت كيف طعم اللبنه والزعتر!

بس ترا صدق يوم تاكلونه كوالتي الشبس وايد اوكيه!!!

وجنكم تاكلون لبنه مع زيت زيتون وزعتر! مادري كيف مسوينه

*Thumps Up*

Polo 

مادري اذا تذكرون اللي لونه اخضر؟ لقيت ها ملون

وقلت بجربه، وعطيت واحد لليهال، سويت وحلو وبعيد عن النعناع

ينفع للشنطه ولا لدرج الدوام !! لول

هالكيس فيه حبات الذره مع نكهة!

هو انا جربت حبوب الذره اللي تي من الفلبين اوريجينال

طعمهم وايد وايد لذيذ، بس هذا فيه ثوم ونكهات!

طبعا مسوينه فالفلبين! وعادي تحصلون فيه قشار الثوم لول

بذمه وضمير! مممممم اللي ايي اوريجينال بدون نكهات احلى

بس منو بييبه لنا من الفلبين!

عاد قمه الصدمه هالمنتج اللي حسيته سم محطاي جدامي!

يعني انا تميت اشوفه واقول لامي شو ها؟ تقولي سكر

اقولها لا سم! ،، قالت لا ها سكر طبيعي مال الهنود!!! قلت لها اي طبيعي

المهم يوم قريته طلع ان سكر مسواي من قصب السكر!

شرايكم !!! .. -ـ- سم

انزين هالشي شفته فكارفور وسفير وشكله مشهور!

انا ماضحكني الا شكل السمج اللي مصفوف! بس ماعرفت حق شو ها

شي زجاجه داخلها شي عيناوي ما فهمته عشان جيه ماصورته

وفي منتجات ثانيه (بنت عم هذا يعني) ولا اعرف من ياكله

ايرانيين هنود بتان ولا فلبينوز! المهم شكله عجيب ! لول

انزين!!! الحين عاد كان فخاطري بحلاوة جوليان

اللي هي مثل الاصداف للي ما يعرفها! وايد لذيذه، طرشت الدريول ابا منها

جان اييب لي جوليان! بس نوع غير!! بصراحه مووو لذيذ

الاصداف احلى!

هالحلاوه حلوه للي يبون بس يتسلون، خذتها لليهال

الله لا يراويكم يوم الياهل ياكل وعقب ياخذ البسكوت ويحطه غصب فويهك عشان تاكل!

وهو يكون ملعوط فيها لين ما قايل بس لووووول المشكله ساعات حتى ماشي امل للمقاومه

تاكلون وانتو ساكتين! لان شكلهم الكيوت ما ترومون تقاومونه وهم يسون جيه لول

ادري ان هالشي وايد مايخصه باللي فوق! بس ترا صدق حبيت الديتول الملون لول

خصوصا العيناوي (لافندر) ريحته حلوه! ومسوينه عشان اي شي فالبيت 

المطبخ الاسطح او الحمام اكرمكم الله او التنظيف العام!! ريحته حلوه 

جربت الازرق والبنفسجي وكلهم تجارب ناجحه والحين نجرب الوردي!

الاصفر (الليمون) ماعتقد بجربه -ـ- الموهيم ،،، حلوه ريحتهم 

وبس خلاص :) الى اللقاء!

عندما أصل الى هناك ،،، اشعر بشعور غير مريح!

عندما اصل الى البيت، اعتدت بعد شهور طويله ان لا اتحدث عن ما يحدث في العمل، اما سابقاً فكنت اتحدث اياما وايام بكل ما يحدث وخصوصا ما يشعرني بالقهر، كنت لا اعرف للسكوت درباً! في الحقيقه فجو العمل كان مختلف كثيرا، فلم اعتد ان اتعامل مع الرجال! فكنت انتقد كل شيء، على العموم، الحمدلله ان هذه الخصله السيئة بدأت بالتلاشي واستطعت التغلب عليها بان استثمر الوقت مع اهلي.

ولكن هذا لا يعني انني لا اتلقى الكثير من الصدمات في العمل يومياً! فسابقاً كنت اعيش في مجتمع مغلق، وحتى عندما كنت أذهب الى الجامعه، اسمي هذا المجتمع مغلق، فصداقاتي كانت قليله، والاحاديث غالبا تكون في امور تخص الدراسه او الطموح او النشاطات لا اكثر! ولكن عندما بدأت بالذهاب الى العمل بشكل دوري، استمت لتلك، ولمشكلة هؤلاء، وهذا تزوج على زوجته،، وهذا انسان غير محترم، وهذه فتاه تحب النميمة، وهذا يشخص يحاول ان يجذب الاخريات، وهناك من ينشر الاشاعات، وهناك المحترم، وهناك من بوجهين! والحديث هنا يشمل ذلك وتلك!! 

مازلت اعيش التضارب النفسي الداخلي كل يوم، فعندما تقف السياره عند ذلك المبنى، واحمل حقيبتي متثاقلة، ابدأ بقراءه الاذكار لانني وان نسيتها صباحا، اتذكرها وانا امام هذا المبنى! فأسأل الله ان يكفيني شر هذا المكان ويستر علي ويبعد عني شرور الناس او ان اجر لأحدهم سوءً، واتوكل على الله واكمل يومي الذي لا يخلو من (هذا قال وهذا سوا)، ولا يخلو من المتطفلين الذين قد يجف ريقك وانت تحاول ان تخبرهم بشيء ويتظاهروا بانهم لم يفهموا، ويعتصر قلبي كل يوم عندما اسمع (الناس اللي بويهين) واشعر بالقهر من شده المنافسه (الغير شريفه)! ،، فكل شخص يود ان يكون الاول دون الاهتمام لما يسببه لغيره!

على العموم، عندما اصل الى هناك، احمد الله انه رزقني بزميلات وصديقات استطيع ان اضحك واجلس معهن، فوالله لولا هذه الصحبة لكن الامر صعباً!!! ولكن اسأل الله سبحانه وتعالى ان يغفر لنا زلاتنا :) فاللسان مصيبه! يهلك صاحبه ان لم يصنه! ،،، والسمع مصيبه ان استمعنا لكل شيء ،،، !! واختم موضوعي ب"سبْحانَك اللَّهُمّ وبحَمْدكَ أشْهدُ أنْ لا إله إلا أنْت أسْتغْفِركَ وَأتَوبُ إليْك"

صوغة تركيا,,,,,,,

حمدلله على السلامة لطيفة

وثاااانكس ع القفت!!!

رحلة لطيفة الحاج لتركيا

إلى تركيا (1/8)

I just love cats !!!

I really want to have a cat, but I don't have time to take care of kittens any more!! I guess this is the longest period passed on me without having a cat! since I was 1 Day old!! kittens were around me! ... how can I stop having them!! ... I miss my cat voices when she sleep, when she try to protect me when kids play with me, when she sit beside me when I study, when we lay together in front of the heater in winter, I really miss the days when my cat sit on my sofa and I yell at her to sit on ground, I miss going shopping to bring her accessories (which she didn't like to wear) and bringing her food!! ... and I really miss when we gather to eat and she sit beside us waiting for someone to give her food! without jumping around. I miss my cat and how my parents used to take care of it!! ... The truth is!! that I tried to get a {MALE} cat!! I HATE MALE KITTENS @@, I got him because he was so little and so cute! I thought he will play around and make fun every where! after one week keeping him in home without going out (until he is familiar with the place), I took him out for a walk!! after two days he followed a street female kitten and guess what!!! he never came back!! Guys are the same :P kittens or humans ..... *Giggles* any how! I really really love cats, and I draw this while I was thinking to get new {Female} Cat.

كنت هنا !!

في الحقيقة هناك الكثير من المواضيع والصور والأحاديث

التي أكتنزها لليوم الذي استطيع به ان اكتب بدون اي ازعاج!

لقد اقفت الخط منذ ساعه عن صديقة قريبه لي جدا جداً 

ولكن تفرقنا المسافة!! ولكنها ليست مشكله مع وسائل الاتصال الحديثة

ما دفعني لكتابة الموضوع هي عدد المرات التي ودعنا بعض في المكالمه

ولكن "كل ما نقول باي" نبدأ سلسله من الاحاديث!

لا نتحدث كثيرا وقد تمر شهور ولا نتحدث، ولكن لا بأس

فنحن نعرف ان البعد لا يعني انني لا اهتم بها كصديقه

ولا انها عندما تهاتفني هناك هدف!! باختصار الحواد معها ممتع :)

"شكراً خيتوووو خصوصا ع المضمراتي !"

تحدثنا عن كثير من الامور منها احلامنا

فأنا اود الحصول على شركه وهي تود ان تكون مديره

ثم اخبرتها برغبتي الشديده في السفر!

وانه من الممكن ان لا اسافر هذا الصيف

وكيف انني اشعر باستياء شديد 

..... الخ

بعد الانتهاء من المكالمه، قررت ان "اتحوط في ربوع النت"

ودخلت الى منتداي العزيز اصدار الامارات 

"مادري ليش ما اشارك واسوي حشره مثل قبل!"

ورأيت توقيعي :) وابتسمت

وتذكرت حواري مع صديقتي واطمأن قلبي 

وعند الله لا تموت الأمنيات

كيف تموت الامنيات عند الله !! 

لا تموت! فكل امرنا خير مع الله

اللهم لك الحمد والشكر :)

فقط احببت ان امر على مدونتي وامسح الغبار الذي بدأ بالتراكم

وشكرا "لصقيقتي" التي تقرأ مدونتي كل صباح

اتمنى ان يكون الموضوع مرضي!

ادعولي الله يوفقني! وتصبحون ع خير 

Macbook Pro Keyboard !!!

قلت لكم من قبل اللي ينتقل للماك ماعتقد بتتغير حياته الا للأفضل

وذلك حتى الواحد يتعود ع الكيبورد! ولا كل شي غيره زين لووول

صراحه عانيت من الكيبورد فقط لاختلاف مكان الاحرف!!! بخبركم شي لول

خذت اجازه من الدوام فتره وطول هالفتره فقط استخدم الماك!!!!

يوم رديت الدوام!! زميلتي تقول: شفيج ليل؟ اول تزعجيني بسرعه الطباعه

اليوم طباعتج هاديه وايد انا ما تعودت جيه شو صاير؟ 

عقب انتبهت على عمري ههههههههههه اطبع بصبعين 

جني اول مره استخدم كيبورد الويندوز!!! 

صراحه؟ 

قلت لها حسيت عمري مثل الغراب اللي فكر يغير مشيته!!

لا مشى مشيه الطاووس ولا عرف يرد ع مشيته ،،، انفصام شخصيه!!

المهم ولله الحمد خلاص تعودت ع الكيبوردين

ومن كثر ما انقهرت، اي حد جديد ع الماك بخبره شو اللي قهرني

وشو الحل!!

1- تغيير اللغة في ماك بوك برو

Change language keyboard shortcut on mac

كانت هاي هي الطامه الكبرى بالنسبه لي! لاني دوم اغير اللغه من فوق!

عدال الساعه، يعني كل شوي كلك بالماوس وجينج لانغوج

لين لاعت جبدي!! وبعد بحث عميق فالنت !! لقيت موضوع من سنه ٢٠٠٧

هههههه عن تغيير اللغه بشورت كت بالكيبورد وهو:

 الأوامر + المسافة

Cmd + Space Bar

2- Home shortcut

الأوامر + السهم اليسار

cmd + left arrow

3-End shortcut

الأوامر + السهم اليمين

cmd + Right arrow

 4- Delete

الحذف+ fn

5- Print Screen

 لها اكثر من طريقه، بقولكم الطريقتين اللي دوم استخدمهم

الطريقة الأولى:

 الأوامر + العالي + رقم ٤

cmd + Shift + 4

هالطريقه حلوووووووه ومريحه

لان ترومون تحددون اللي تبونه فالشاشه

وبيتخزن دايركت ع الدسك توب! يعني ما يسوي برنت سكرين للشاشه كلها

الطريقة الثانية:

الأوامر + العالي + رقم ٣

cmd + Shift + 3

هالطريقه تسوي برنت سكرين للشاشه كامله وتخزنها ع الدسك توب

أتمنى ان الموضوع يكون مفيد وخفيف عليكم :)

لان لين اكتشفت هالاشياء مخي عورني!!! هههههه

على العموم لو سويتوا بحث ع الشورت كت الخاص بالماك

بتحصلون وايد ،،، بس هالاشياء اللي كانت مهمه لي

وحبيت انكم تستفيدون منها!!

لا تنسونا من صالح الدعاء