Sunday, February 8, 2009

أم دويس توزع هدايا .. !! وحمارة القايلة نبا نشوفها !!

يوم كنا صغار .. كان طاري أم دويس وحمارة القايلة أييب لنا الرعب
تحس الواحد قلبه بيوقف وهو يتريا الظهر حمارة القايلة اللي تحوط فالحارة
وفالليل أم دويس اللي تاكل العيال الصغار
Tears
"طبعا أم دويس مايخصها باليهال .. بس ما بيذخرون أي جهد فتخويفنا لووول"

ماقدر أنسى .. يوم كنا نبات في بيت يدي الله يرحمه
كنا نقعد نحن الصغار فالليل .. نبند ليتات الغرفة .. أونه وقت الرقاد
ونفتح الدريشة نشوف الشارع وليتات الشارع الصفرا .. الشارع المسا فاضي
ونحن كل حد عينه ع مكان فالشارع والبيوت !!
MellowMellowMellow
نتريا !! أم دويس من وين بتي ؟ .. عاد إذا خطف بتاني لابس هاللبس مالهم
وشال كيس .. ولا حرمة لابسه عباة راس .. يبدا التأليف وفلم الرعب !!
"لآن عباه الراس جيه ما تشوفون الا شي اسود خاطف"
عنبو .. حتى يوم نسير الدكان يقولون لو طلعتوا بتيكم أم دويس !!
Ninja Hide
باختصار أم دويس = الينية الشريرة

عاد الظهر .. يوم ما يبونا نطلع من البيت يقولون
الحين ماااااااااااااحد يطلع .. العيال ما يطلعون فالقايلة مب زييييييييييييييييين
تقولون لهم ليش؟ .. يقولون حماااااارة القايلة بتي
عاد لكم تتخيلون كيف كنا نتخيل حمارة القايلة اللي تحوط فالحارة الظهر!!
أذكر عشان اروح بيت ييرانا ولا بيت حد من اهلنا فالحارة والباب لاصق فالباب
كنا نرررركض صاروخ ههههه .. قبل لا أتي حمارة القايلة !!
"عاد يوم ما نتذكرها ننعش فالحارة"
WOOt
من فترة قريبة جداً .. أشوف عيالنا فالحوش يركضون ويدورون وجيه
وهم يغنون: أم دويسس أم دويييييسسسس أم دوييييس
ExcitedExcitedExcitedExcited
انا سيده عيوني تدورن ..
ShockedShockedShockedShocked
تذكرت الذكريات الأليمة مع أم دويس !! .. زخيت أمهاتهن .. قلت لهم أسمع صح؟
قالوا هيه ... قلت لهم يزقرون أم دويس ويغنون أم دويس؟
قالوا هيه!!
قلت لهم شوووو ما يخافون من أم دويس؟Unsure

ضحكت وحدة وقالت: عيالي يوم قلت لهم حمارة القايلة بتيكم .. قالوا وينها نبا نشوفها !!!
هنيه انا هلكت من الضحك .. خلاص ماشي أمل نروعهم بحمارة القايلة
LmaoLmaoLmao
بس شو سالفة أم دويس؟ ...

يوم زقرتهم ... قلت لهم شو عندكم مع ام دويس؟
اصطفوا طابور وقالوا ... أم دويس توزع هدايا تحطها فالكبت !!!
نعمممممممممممممممممممممممم؟
أم دويس توزع هدايا وتحطهن فالكبت <<Santa بابا نويل على غفلة لوووول

بصراحة ... ماعرفت شو أقول .. قلت لهم روحوا روحوا
خلكم مع هدايا أم دويس
"اثرها وحده من اليهال حاطه صورتها من فرييييج فالكبت وبدأت الاشاعة"
Gi11

المشكلة من شوي .. طفرتني وحده من اليهال .. قلت لها:
أنا الدووووودووووووووووه http://cache.hyves-static.net/images/smilies/default/smiley_devil.gif< أوني عاد جان تضحك !! قالت أنا الدودوه بعد http://i43.photobucket.com/albums/e374/diantach/thulhuranks/kitty_devil.gif ... اخ قلبي شقول بس ..

قلت لها انا أم دويس باكلج .. جان تضحك قالت أم دويس تشتري هدايا !!!
Holiday4Holiday4Holiday4

حليلج يا أم دويس .. راحت هيبتج مالت أول
من عقب ما كنتي تخوفين اليهال << والرياييل استويتي طيبة وتوزعين هدايا !! Gi11

أوه على فكرة .. قبل زمان زمان كانت اتي القايلة حرمه تحط ع راسها كرتون
وتبيع حلويات ومينو وعصير وشربت .. مسكينه اتلف طول فترة الظهر
يوم كنت اشوفها من بعيد كنت ماشوف الا الكرتون واتروع
أقول أكيد هاي أتيب كرتونها وتحطه على ظهر حمارة القايلة
>___<" http://i200.photobucket.com/albums/aa293/VicariousInterest/donkey.jpg
ردت فعل الولد وايد طبيعية .. احس نحن جيه كنا نحس داخليا من الطاري !!

8 comments:

Anonymous said...

Nice post lil
3yal al7een ma y5afoon, yn5af mnhum actually lol

lOsT said...

أم دويس لول صدق ذكريات ..
كل حد كان يقوللنا شي !!
أتذكر كانو يقولون عنهاإنها كانت تركب عصا واطير وشعرها كشه p;

مساكين كنا نصدق كل شي =/

lil.D said...

Hamda:

lol I can't stop laughing at (yn5af mnhum actually) l0o0o0ol

lil.D said...

lOsT:

هههه الحمدلله ماحد قالنا هالوصف بعد
نحن من الله باللي نعرفه مب رايمين
بعد كشه واطير ؟ لوول


هيه نحن حليلنا ... الحين اليهال
ام دويس اتوزع هدايا !!


لول

Unknown said...

"عاد يوم ما نتذكرها ننعش فالحارة"

lllllllllllloooooooooooooollllllllll

^^

ام دويس .. ما تخوفني

كنت اموت من " الزياغ " من حمارة القايلة

تخيلي مشهدها الحين

حرمة شوي متينه .. لابسه عباه عالراس
والراس راس حمار ازرق يلمع في القايلة
والعيون جاحظة وكبار
واطلع صووت شرات البارده
إلل في مسلسل وادي الأمان

http://www.bh-30.com/up1/uploads/images/bh30.com4b020bdb5f.jpg
^^

مهرة سالم said...

السلام عليكم...
أضحك الله سنك أختي ...
عن جد موضوعج إزقرت
مب قادره اوقف ضحك...
...........
ما شاء الله والله عيال هالزمن محد يقدر عليهم
يوم أم الدويس توزع هدايا
هههههههههههه
لا بودارياه بيقولولج يدي يقول قصص حلوه حقنا
وحمارة القايله
عادي حيوان أليف
وين المشكله ......
...........
بس أحلى شي الدوودووو
طلعت موجوده عندكم بعد..
.......
لوتقوليلهم هجوم بطيارات ودبابات بيقولولج عادي شرات البليستيشن
.........
الله يعينا عليهم صرنا نحن نخاف منهم..
......
الله يحفظهم ويهديهم...
.....
دمتي بخير

Anonymous said...

يؤ @-@

منووو هاي أم الدويس !! ماعرفها ><

ماعندكم ام السعف والليف ><
>> يمكن نفسها بس عشان البيئه النخلاويه غيروا الاسم هع

ووشي الدوودوه ؟؟


ياكثر اسئلتي ><
لو الدعوة دراسه تنشمت><

Anonymous said...

هههههههههههه

تدوينة حلوة .

في مصطلح يديد طلع ..

عبدالله بو السلاسل .. :)

هذي قصته قصة بعد ..

ههه

يسلمو ..