Wednesday, August 4, 2010

What Hand Wash Should We Use?

من قبل كتبت لكم عن مشكلتي مع ايدي
لما بدت تتقشر بسبب تغير الجو والثلج
 هذا الموضوع: 
لما سرت للدكتور قالي شي مهم
سالني انتي باي صابون تغسلين يديج؟
انا عاد بكل ثقة قلت له صابون ديتول
احسن شي ويعقم الايدين!

سيده تغير ويهه قال لا تستخدمينه
قلت له ليش؟ قال ها كله كيماويات
ويسبب الجفاف اكثر ومب زين للبشرة
واستخدمي دوف لان فيه كريم
ومايسبب جفاف

بصراحه اول شي استغربت
وبعد ما سألت ناس من اهلي
وبعض الصديقات
بعد كان دكاترة الجلديه يقولن لهم
ما يستخدمون صابون ديتول!
واحسن شي دوف!

عاد حسيت عمري مخدوعه بالاعلانات
وان صدق لما استخدم الديتول
يعني الايدين معقمه وهو احسن شي 
وماااادريت انه هو اهم سبب للجفاف :)


انتو شو تستخدمون؟
احم كتبت الموضوع عشان ماحد ينخدع في ديتووول مثلي

10 comments:

نـ(المطيري)ـازكـ said...

الف لا باس عليج ..

اقولج شي بما اني دارسة هالسوالف ..

كـــل انواع الصوابين تسبب لج جفاف .. بس عليج بعد الغسيل كريمات

والدوف << ليش لان فية نسبة من الجلسرين ..

^_^

Anonymous said...

آنا نفس حالتك..

في يوم من أيام الشتاء.. وجهي بدا يتقشر و يتورم واستغفر الله
بشرتي صارت مثل بشرة وحدة عمرة 55 سنة..

رحت للطبيب.. و قال لي انتي بشرتك حساسة و يناسبك صابون دوف و لا تسخدمين ابد ابدا اي صابون ثاني غير هذا الصابون

و فعلا لاحظت الفرق
الدوف يخلي بشرتك ناعمة و منعشة و رطبة طوال الوقت مو مثل باقي الصابون اول ماتخلصين تغسلين ايدك تحسين بجفاااااف.. ووه


تقبلي مرور ..

حنوني}~

هديــل said...

الغالب استخدم لوكس

بس استغربت ان ديتول مو زين :/

مشكوورة

ROro Mania said...

انا استعمل سيبا ميد
ماركه طبيه
بس
حاليا ماقمت استعملها كرهتها لها ذكريات سيئه لوول
و استحدم صابون من ماركس سبنسر "سائل"
او القطع من بودي شوب

Anonymous said...

السلام عليكم و الرحمه

انا من محبي دوف
لكن حاليآ استخدم ديتول !

قبل امايه الله يحفظها قالولها نفس الرمسه انه تودر ديتول وانه للعمال و غيرهم لانهم معرضين للتلوث اكثر !

لطيفة الحاج said...

بوصصي حضرتك،
انا ما اغسل ايديه الا بديتول ولو بشوري جان حطيته في الشنطة معاية بس المناديل المبللة تفي بالغرض..

كيماويات بتروكيماويات، ما يخصني حاطة في بالي ان اذا مب ديتول يعني الجراثيم ما تروح!
اتغسل بديتول عقب اتفرك بكريم ..

سلامة ايدج يا بعد ايدي =)..

مهرة سالم said...

السلام عليكم...
سلامات حبوبه...
....
عاد نص ثروة شركة ديتول بسبتي إدمان
على قولة أمي لو فيه طحين ماركةديتول بتشترينه...
....
ما أدري أنا ديتول أشوفه أحسن لي من لايف بوي
لايف بوي وايد يجفف
بس تصدقين النوعيات الثانيه ما تسبب الجفاف وأرخص بس نحن تبرمجنا على أنواع معينه ...
....
دمتِ بخير

miaka said...

انا استخدم دووف من زمااان لانه كريمي وما يجفف اليد
الديتول مرة وحدة اشتريته وعقب طلع مب اوكيه لانه اختي استوى لها حساسية وقالت لها الدكتورة لا تستخدمين ديتول

فرجعنا للدووف ^_^

رورو الشخبوطه said...

مشكوره ع التنبيه..

انا ماستخدم شي معين كل مره شي بس موخرا اغلبه صابون طبيعي ..

Anonymous said...

وأنا بعد بديت ألاحظ جفاف ايدي بعد ماصرت دايم استخدم صابون ديتول.. يعطيكي العافيه على الموضوع.