Friday, December 24, 2010

How To Make A Healthy and Yummy vegetables! طريقة إعداد الخضروات بوصفة لذيذة!


بصراحة الوصفة جدا لذيذة 
اذا تذكرون الشومن؟ هو نفس الخضروات
ولكن هالمرة بدون اضافة الشعيرية!
جدا جدا لذيذة وصحية :)
------------------------------------
المقادير:
(جميع المقادير تتقطع طولياً بشكل رفيع)
فلفل أسود
مكعب ماجي 
زيت
فاصوليا خضرا 
ملفوف
فطر (فريش)
فلفل (احمر - اخضر - برتقالي-  اصفر)
جزر
صويا صوص - مالح
عسل مدخن (اختياري)
سمسم محمص - بدون زيت
نقانق مقطعه طوليه ومحمصه  - بدون زيت
(ممكن تستخدمون دجاج او لحم او ربيان)

---------------- الطريقة ---------------
في البداية نحط فقط ملعقه صغيره زيت
لان نحن ما نبا نحط وايد زيت فالخضرة!
والخضرة نفسها بعدين بتنزل ماي
بعد ما يسخن الزيت .. نضيف الفاصوليا والجزر
لحد ما يذبلون (نبدا فيهم لانهم ياخذون وقت اطول)
غطوهم شوي عشان يستون عالبخار
 بعدين نضيف الفلفل الملون
لحد ما يذبل ايضا
ونضيف الصويا صوص حسب الرغبة
لكن لا تكثرون! لانها مالحة
وبعدين نضيف مكعب ماجي
(اذا كميه الخضره شويه بس نحط نص مكعب)
ردوا غطوه دقايق
بعدين نضيف المشروم بعد ما تذبل الخضروات كلهاالمشروم بسرعه يذبل عشان جيه نخليه بعد ما تذوب الخضره
بعد ما تشوفون المشروم ذبل وتشبع بالصويا صوص
نحط الملفوف! اول شي بتشوفونه وايد 
بس عقب يذبل يصير شويه 
(كل مره اقول لامي وايد يطلع كلامها صح - عشان جيه تادبت)
نضيف السمسم 
ونضيف النقانق المحمسة بدون زيت

وبس!!!! بالهنا والشفا
هذي النتيجة:
ع الجنب: 
سمسم - كتشب - العسل المدخن

وهاي عشان اقص عليكم اونه حركات فوتوشوب

وهنا صحن آخر للوالدة
(فرت الاستيكس قالت ماعرف لهم .. لوول طبعا كنت مجهزه لها شوكه احم احم بس يقولون العين تاكل قبل الفم! فسويت لها حركات)


I hope you like it!
It takes No Time!
Very Healthy & Yummy!
Every one Like it!
صدقوني حتى لي ما يحبون الخضروات كلوها :)
بالعافية عليكم مقدماً


ملاحظة:
ترومون تضيفون بيض اخر شي .. نفس الاكلات الصينية
(تكسرون بيضة عجنب وتحركونها "سكرامبلد ايج" وتخلطونها مع بقية المكونات)
ترومون تاكلونها بجانب ستيك او عيش!
لكن كلوها بروحها اخف والذ 


11 comments:

Katkoota xD said...

بالعافية يارب

شكلها لذيذه

~أم حرّوبي~ said...

شكله يشهي مع شويه صوص يم يم ..في الفترة الاخيره هابه خضره وفواكه صايره صحية :)

يباله تجربه ..جربت السي فووود نودلز من القرية التايلندية لذيييذه جان عرفتي شلون يسوونها خبريني ترا عشقي النودلزززز:))

وعليييج بالعافيه ..وترى تاكلينه بالستيكس ونااسه تحسين جنج صج يابانيه خخخ
جربيه ترى استخدامه سهل ..حتى لو تبين في فيرجن ميغا ستور شي ستيكس على اشكال بس اسهل في الاستخدام :)

Seldompen said...

مساء الخير

=)

بصراحة شكله شهي ..

وأتمنى دائماً لو استطيع تجربته

لكن المشكلة تكمن ..

في كوني لا أحب أياً من مكوناتها

="(


عوافي على قلوب من أكلها

=)

تحياتي ..

д7ℓάм said...

يمي يمي
شكلها يشوق
بأذن الله لي تجربه

تسلم دياتك
وبالعافيه على قلبك =)

purpleyah said...

سويته قبل الشوي وكلته على الغدا طعمه رهييب وكفايه انه صحي

تسلمين:)

purpleyah said...

سويته قبل الشوي وكلته على الغدا طعمه رهييب وكفايه انه صحي

تسلمين:)

lil.D said...

Katkoota:

الله يعافيج :)
اي والله لذيذه البيت كله يحبها :)

lil.D said...

أم حروبي

نفس الطريقه اللي تسوين فيها هالخضره
بس غيري النقانق بالربيان او اي شي تبينه
اقليه بروحه اول او سويه ع البخار عقب ضيفيه
شوفي الطريقه مع النودلز هنيه:
http://lild84.blogspot.com/2010/08/chinese-noodles.html

:) سهله وايد

lil.D said...

Pen Seldom:

مساء النور والسرور
انا ماكنت احب الخضره
بس صدقيني يوم تجربينها
بتحسين انج بتحبين كل مكوناتها :)


او ممكن تجربين مع انواع ثانيه ^ـ^


الله يعافيييج يا خيتو

lil.D said...

A7lam:

جربيها وخليني اشوف النتيجه :)
وبالعافيه مقدما

lil.D said...

Mrs. Purple:

شفت الصوره فبلوقج قلت فخاطري هاي صورتي؟ هههههه عقب استوعبت!
بالعافيه يا عسل :) سوي بحث فالمدونه عن الوصفات :) بتشوفين اشيا صحيه وايد ولذيذه :)