Chicken, my way ...

المفروض انه الغدى يكون لحم .. ولكن، فضلت اني اخذ صدر دياي على اللحم ... وهذا هو الغدا اليوم:

طبعا انا ماحب اكل الخضروات جيه ... فقررت اني اخلي الدياي مع الخضروات المطبوخه كالتالي:
((وأنا اطبخ تقولي الخدامه: ليش ما تخليني اسويلج؟ عشان أكلي ماله طعم صح؟ .. عورت قلبي .. بس قلت لها انا يوم اطبخ بروحي ماحس بيوع واستمتع، أي حد عنده نفس الشعور؟))

"إلى جانب سلطة"

المكونات:
-ربع بصله مفرومه
-نص حبة ثوم
-اقل عن ربع فلفل اخضر بارد
-اقل عن ربع فلفل أصفر بارد (بالعاده بعد احط الاحمر بس ماعندي)
-فاصلويا خضرة مقطعه صغير
-طماطه ونص مطحونه على شكل صلصة
-نص خاشوقه صغيره صلصة فلفل حارة
-ملح وفلفل أخضر
-صدر ديايه مسلوق
-سبري الزيت الصحي من المركز


الطريقة
((كمية الزيت هيه رشة أو رشتين فقط من سبري الزيت الصحي))
-أول شي نحمس البصل والثوم .. لين يستوي لونه اصفر شوي
-نضيف الفلفل (أصفر وأخضر) وعقب نحط الفاصوليا والدياي ونحمسهم شوي
-يوم نشوف لون الدياي بدا يتغير شوي نضيف الملح والفلفل الاخضر
-نضيف عقب صلصه الطماطم مع صلصة الفلفل
-نغطي المقلاه شويه .. عشان ما يتبخر كل شي وييبس الاكل ... ونخليه لين يستوي

وبالعافية عليكم ...

أضغطوا على الصورة عشان تشوفونها مقربة أكثر:

Grilled Fish, For lunch ...

I'm not really a fan for Sea Food, But this? You gotta Try it!
"Cooked under the instructions of mother"

Hope you like it

الرجيم اليوم !! ...

عشان ما تستغربون، الرجيم يعتمد انه في اكل فالغدى بس العشى خفيف وايد

المهم اليوم غداي كان كالتالي:
معكرونة مع قليل من الزيت الصحي
قطعة دجاج مشوي او مسلوق أو مقلي بالزيت الصحي < اللي من الدايست سنتر صحن خضروات مطبوخة متوسط الحجم صحن سلطة متنوع

انا سويت المعكرونه بالماي وشوي من الزيت اللي عطوني اياه
سلقت الدياي سويت صلصلة من طماطم طبيعيه ..
وقطعت خضره وسويت صلصلة للمعكرونه وحطيت فيها الدياي
"المعكرونة اللي استخدمتها هيه المعكرونة السمرة مالت الرجيم"



وقصيت سلطة ..



العشى: حبة خيار .. حبة طماط .. نص كوب روب لو فات .. نص خبزة سمرة
"ما يرزى اصور صح؟؟"

كل مرة اسوي رجيم ماسوي اكلي بروحي اذا كان في لحم ولا طبخ .. هالمرة مستمتعة بالموضوع لاني اعرف شو اسوي بالاكل واعرف ارتبه مثل ما انا ابا ... ادعووولي

Wii Fit ويا فرحة ما تمت

سرت اليوم السوق وأنا في قمة الحماس ... عشان اشتري الوي فيت ... وفعلا اشتريتها ... وماصدقت متى ارد البيت ... تمنيت اغمض عين وافتح عين الا الجهاز راكب وجو الغرفه يساعد وعلى استعداد كامل لاستخدام الوي فيت ... وعلى طووووول طبعا خذت صورة لجهازي اليديد ... وقلت ما بدهاااااااااااش يابت ... منو قدج بتلعبين وي فيت ... شوفوا:

ولكن يا فرحة ما تمت !!!!!!!!! .. قررت الوي اليوم انها تاخذ إجازة، هيه من كم يوم صراحة كانت تقهرني كل شوي تعطيني ايرور .. اليوم شكلها لما شافت الوي فيت قررت تاخذ اجازة ورفضت رفض تااااااام انها تشتغل ... كل شوي احصل الايرور هذا:


والحين صدق صدق ميته من القهر .. ماعرف شسوي .. لين متى بتريا لين يصلحون الوي؟ .. العصر بوديها المحل ان شاء الله وبشوف شو قصتهم ... أدعولي .... شكلها عين ماصلت على النبيييييي عليه الصلاة والسلام >__<

Dieting!! .. رجيـــــم Day (1)

Since months I stopped going to the gym, and I'm not eating healthy food, so I
gained weight !
Well, I decided to take an action and start {dieting} Hopefully I'm going to
reach my target weight!

All in the picture are {Low fat} ... cooked by me :-)

Brave

Click to enlarge

How Evil Are You?

You Are 12% Evil

You are good. So good, that you make evil people squirm. Just remember, you may need to turn to the dark side to get what you want!

How Evil Are You?

How about you Take the test to let us see How Evil are you ... WeeeW I'm only 12% Evil lol ... Waiting for your Comments to see your level of Evilness

Working on my blog ..

Well today I'm working on new features to my blog, .. like adding icons .. before I Didn't have this feature! but I did some simple coding following Online tutorials, More over I added the new email subscription icon, so u can know all news of my blog by subscribing.

I hope you you enjoy my blog, and bare with me the Changes I do every day tell I get a fixed blog .. Am I talking a lot? .. no worries you have to listen to me .....

Well this is all for now :) and I'm going inshallah to provide you with some Excel lessons after while .. So I hope you Subscribe if you are interested ..

If you need any lessons you think I can help you in, just email me and inshallah I'll make the lesson as soon as I could .. Yallah Catch you Later ..

Tacos .. من المطبخ المكسيكي

"اضغطوا على الصورة عشان تشوفونها بحجم أكبر"

المود اليوم كان صوب المطبخ بدال الفاست فود، وحبيت اسوي شي مختلف وقلنا بنجرب التاكوز .. وبخبركم كيف سويته "على فكرة المقادير على كيفي .. انا ماقريت من مكان او شي جيه لوول .. على العموم ترومون تحطون اي شي تبونه فالتاكوز شيتس"

المقادير:

Tacos Shells
Tacos Sous



لحم مفروم
ملح وفلفل أسود
طماطم مقطع صغير
فلفل أصفر >البارد
خس
صلصلة طماطم
بصل مفروم
ثوم "بس طشونه"


الطريقة:

اول شي نحمس البصل لين يتغير لونه .. ونحط عليه اللحم المفروم ونحركه لين ما يبدا اللحم المفروم يجف، ونحط الملح والفلفل اسود .. والطماط والفلفل .. ونجلبه لين يستوي .. نحط شوي من صلصلة التاكو "في يبيعون تاكو ميكس مثل بودره بهارات، احسن تحطونه لو حصلتوه" .. وتكون هالنتيجه:



عقب ناخذ التاكوز شيلز، ونجلبهم .. وندخلهم في الفرن لمده خمس دقايق



يوم نخلص نحط الحشوه فالتاكوز ... ونحط عليها صلصلة التاكو ..وعقب الخس



"ملاحظة .. التاكو شيل ممكن تحطون فيه جبن .. ولا اي شي تبونه ... يعني احشوها اللي تبونه"


المهم هذا تقدمونه مع صلصلة التاكو ... "نفس الصلصة الحارة مالت الناتشوز"، بس انا شاريه بدون فلفل ...وبالعافية عليكم ^____^

Tension ...

When I feel stressed or tension, I start drawing, Simply it is the best way to take away all those feelings ... Here you go :) .... *Click to Enlarge the Image* ....


I know it is not Perfect, and my pencil went Flat because I didn't sharpen it .. So I finished it fast :) .. not in a good mood for details ... Hope you like it any way ..

Another view: *just click*

منـيه ومنـاك

بعد الفشل الذريع اللي كنت أعاني منه في لعبة دانس رفليوشن، أمس من الضيقة وأنه صدق ماعندي شغل، خلصت اللعبة وحصلت عمري يايبه امتياز مع مرتبة الشرف ... صراحة ماصدقت .. وقلت لازم اصور هذا الانجاز .. صدقوني اللي جرب اللعبة بيعرف الشعور

المهم، بعد ما مليت من هاللعبة، رحت أكمل لعبتي المفضلة: سوبر بيبر ماريو .. من زمان ودرتها، ورديت العبها من يومين، اكثر حركة أنقهر منها يوم اني اتم ايام احاول احل لغز، وأكتشف آخر شي انه الحل موجود في مكان بسيط .. بس عيوني ما شافته .. قهر .. المهم .. فها الفيرجن من اللعبة، يوم ماريو ياخذ النجمة .. يستوي عملاق ويكسر كل شي جدامه، ههههههههه شعور حلو يوم يركض ويكسر كل شي


ماحبيت دور الفضاء .. لف لي مخي صراحة ...

المهم اليوم الثاني .. كانت العائلة مقررة تروح راس الخيمة، لكن بعد مشاورات عديدة "أكره المشاورات هذي لأنها غالباً تخلي الواحد يفكر بالموضوع زياده عن ما يحتمل الموضوع نفسه ويتعايزون بالنهاية" .. وقررنا نروح دبي .. طبعاً عشان يخلوني اسكت .. ذليتهم اني ملانه ويالسه فالبيت وماشي شغل لووول .. أول ما وصلنا دبي ... أقترح أخوي يودينا مكان نجرب سندويجاتهم ... يوم وصلنا صراحة .. وقفنا جدام مخبز بتاني! .. أنا أحب الخبز البتاني بس ماجربت من قبل أني اشتري سندويج من مخبز بتاني؟ صراحة أصلا ما عندنا هالشي فالعين! ...المهم قال شي زعتر وجبن ومهياوة .. وزعتر بالمهياوة وجبن بالمهياوة ! ... وقررت اني أخذ سندويج جبن .. بدون ما نجازف .. مهياوة؟ .. لووول ما أتخيل .. >___<" مع احترامي لمحبي المهياوة .. المهم السندويج وايد وايد خفيف ولذيــــذ ... يلست آكله وانا أكمل قراءة قصة "توايلايت" .. صدق قصة حلوة ... من خلصت حشرت راسهم قلت لهم الحين لازم كابري سن ... < وايد عاطيني ويه لوووول .. ووقفنا عند دكان عشان أخذ العصير قبل ما نسير مول الامارات


فالإمارات مول اشتريت حق عمري هدية "أيوة حق عمري، شو حرام؟ لووول" ... واشتريت للعائلة الكريمة .. حلو الشعور يوم الواحد يحصل هدية، والأحلى يوم أنت تعطي حد الهدية وتشوف الابتسامة على ويوهم


في أشياء شفتها وبغيت أعلق عليها هنيه معاكم:

1- في بوتيك "أرماني" شفت هالغترة، صراحة تميت اشوفها واشوفها وأفكر، هل الرياييل فعلا يهتمون انه غترتهم ماركة؟ المهم أحب كاميرة سوني .. صغيرة ورشيقة وما تبين يوم اطلعها من الشنطة وأصور لوووول


2- ماركة "قس" ... وايد أحب هالماركة .. يعني من كنت صغيرة يوم أشوف المثلث على خلفية سودة ومكتوب عليه قس أو علامة الاستفهام استانس، وايد تعيبني هالماركة، أحب أشياءهم .. وأحب حتى علامة ماركتهم


3- صراحة يوم كنت في "زارا" وقفت جدام هالقميص ويلست أضحك .. بغيت اشتريه بس القياسات مخلصة وأصلا مب باقي منه الا كم قطعة، ضحكت من خاطر .. وايد عجبني .. شكله عبيط لووووووول .. اتخيل شكل الشخص اللي جدامك يوم يشوف القيمص ها عليك؟ لوووول .. في قمصان بنفس الطريقة حلوة .. بس حشى كله نووو سايزس :( ...مشكلة



4- في محل "أويشو" .. حبيت طريقتهم في وضع الملابس في أظرف، وعقب حاطين ستكرات وايد كيوووت، حبيتهم وايد .. ووفروا علي صراحة اني اغلف هاي الاشياء لأصحابها ... سووو كيووووت



وايد هذربت؟ ... همممم يالله ماعليه المهم انا اطلع اللي فخاطري لووول

Mario Kart ..

I couldn't resist buying new Game for Wii .. although my friend bought me Wii Game's as a gift days a go! .. any how, My new Game and Accessory are ( Mario Kart + Wii Wheel ) ... isn't it awesome?

I can play Online with people world wide ... isn't that cool? ... Well I'll go now to play Mario Kart ^__^ ( I have all series of Mario cart Starting from Nintendo 64 tell the Wii and even Nintendo DS ) ... here is the Mari Kart Trailer Video :

بعض ما يشغلني هذه الأيام ...

السلام عليكم ورحمة الله

تمر الأيام ولا أشعر بأي أختلاف ، فاليوم مثل أمس، وأنام وأنا أتمنى أن لا يكون غدا أيضا مثلهم، ولكن على أي حال فأنا لا أعرف حقاً ما أريد، هل ستكون الوظيفة هي ما يغير هذا الروتين اليومي؟ ولكن إذا هممت بها فسأنسى سهر الليالي، والذهاب إلى السوق مع الأهل، والزيارات، والأهم الشعور بالحرية.

في فترة دراستي عانيت كثيراً، فحتى أتخرج بالمستوى الذي طالما تمنيته، كان يجب أن أترك أحد الأمرين، إما اللعب والتجمعات العائلية، أو أن أترك الدراسة، وكان الاختيار من نصيب الأول .. على العموم الآن بعد سنة ونصف من بقائي عاطلة عن العمل وأفتخر بهذه الخبره لووول، لا يسعني إلا أن أشارككم بعض ما أفعله في أيامي السعيدة ...

ولقد وصلتنا رسائل عديدة تسأل عن سبب انشغالنا، ورغبتهم الشديدة في التعلم والاستفادة من خبرة السنة والنصف، فتأكدوا أن هذه المدة لم تمر هباءً، وها نحن الآن يا مشاهدينا الكرام نشارككم بعض أسرارنا "جني إلا صدقت عمري؟ امره مسوتنه برنامج تلفزيوني هههه " :المهم ..


تلقيت اليوم اتصال من إحدى صديقاتي، تسألني إذا كنت مشغولة أم لا فهي تود زيارتي، وبعد البحث المطول هنا وهناك في دفاتر المواعيد، تبين أنني غير مشغولة أبدا "سبحان الله ههههه" .. وأخبرتني أنها لن تتأخر .. توجهت سريعا إلى المطبخ لإنجاز 3 أمور:

1- اشعال الفحم ..
2- تحضير "دلة" شاي أحمر مع ماء الورد ..
3- كيكة ...

تركت الكيكة في الفرن وذهبت لأجهز المكان، وعندما عدت لأتفقدها، وجدتها تأخذ شكلا جميلا جداً .. فالحقيقة فأنا لم أرسمه! .. ولم أتعمده! .. ولكنه اتخذ هذا الشكل بنفسه ... ربما تشعر بمدى معزة صديقتي إليّ .. فأخذت شكل القلب .... شكلها جميل جدا ...مممم وطعمها ألذ:


على العموم .. صديقتي وصلت سريعا فلم استطع الانتهاء من "الديكوريشن" وهذه النتيجه "حياكم أقربوا"


وتحدثنا كثيرا وساعدتني صدقتي على حل مشكلة الشرق الأوسط، فعانيت كثيرا حتى استطعت الحصول على برامج مايكروسوفت وأيضا الفرونت بيج، "شكرا" .. بعد ذلك تناولنا العشاء .. وكانت وجبة لذيذة أشعرتنا بالخمووول من "جيليز"، أنصحكم بتجربة شوربة المشروم مع الدجاج، لذيذة جداً


بعد ذلك لعبنا قليلا (نيتندو وي) .. فهي المفضلة دائما لدينا، لعبة جميلة جداً .. وتشعرك بجوها ... على العموم هكذا انقضى هذا اليوم .. ولكن أحب أن أشاركم كتاب جميل جدا ... قرأت عنه في منتدى إصدار الإمارات، بواسطة فوتوغرافر .. قصة جميلة جداً أحببتها وأعادت لي جو القراءة الذي فقدته منذ فترة طويلة جداً .. أحببت أسلوب الكاتبة ، تشعرني بجميع ما يشعره ابطال القصة، حتى أنني استطعت رسم ملامحهم وانفعالاتهم ودود أفعالهم، ولا استطيع ان اترك القصة حتى انتهي على الاقل من فصل من فصولها! ... في البداية بدأت بترجمة العديد من الكلمات حتى أستوعب القصة بشكل كامل، رغم أن الكلمات تستطيع فهمها من السياق! بعد ذلك لم أستطع أن أترجم الكلمات، لرغبتي الشديدة بمعرفة ما سيحدث، على العموم فقد ترجمت العديد من الكلمات التي تكررت في أكثر من فصل ... وهذه هي القصة هنا:




.. هذا كل شيء تقريبا إلى جانب تصميم بعض المواقع والتعلم على لغة سي أس أس .... لا أعرف مالذي يفعله بقية الناس من لديهم خبرة في البطالة سنوات طويلة ، أتمنى أن نتبادل الخبرات ههههه .. وعمتم مساءً