Saturday, May 17, 2008

منـيه ومنـاك

بعد الفشل الذريع اللي كنت أعاني منه في لعبة دانس رفليوشن، أمس من الضيقة وأنه صدق ماعندي شغل، خلصت اللعبة وحصلت عمري يايبه امتياز مع مرتبة الشرف ... صراحة ماصدقت .. وقلت لازم اصور هذا الانجاز .. صدقوني اللي جرب اللعبة بيعرف الشعور



المهم، بعد ما مليت من هاللعبة، رحت أكمل لعبتي المفضلة: سوبر بيبر ماريو .. من زمان ودرتها، ورديت العبها من يومين، اكثر حركة أنقهر منها يوم اني اتم ايام احاول احل لغز، وأكتشف آخر شي انه الحل موجود في مكان بسيط .. بس عيوني ما شافته .. قهر .. المهم .. فها الفيرجن من اللعبة، يوم ماريو ياخذ النجمة .. يستوي عملاق ويكسر كل شي جدامه، ههههههههه شعور حلو يوم يركض ويكسر كل شي


ماحبيت دور الفضاء .. لف لي مخي صراحة ...

المهم اليوم الثاني .. كانت العائلة مقررة تروح راس الخيمة، لكن بعد مشاورات عديدة "أكره المشاورات هذي لأنها غالباً تخلي الواحد يفكر بالموضوع زياده عن ما يحتمل الموضوع نفسه ويتعايزون بالنهاية" .. وقررنا نروح دبي .. طبعاً عشان يخلوني اسكت .. ذليتهم اني ملانه ويالسه فالبيت وماشي شغل لووول .. أول ما وصلنا دبي ... أقترح أخوي يودينا مكان نجرب سندويجاتهم ... يوم وصلنا صراحة .. وقفنا جدام مخبز بتاني! .. أنا أحب الخبز البتاني بس ماجربت من قبل أني اشتري سندويج من مخبز بتاني؟ صراحة أصلا ما عندنا هالشي فالعين! ...المهم قال شي زعتر وجبن ومهياوة .. وزعتر بالمهياوة وجبن بالمهياوة ! ... وقررت اني أخذ سندويج جبن .. بدون ما نجازف .. مهياوة؟ .. لووول ما أتخيل .. >___<" مع احترامي لمحبي المهياوة .. المهم السندويج وايد وايد خفيف ولذيــــذ ... يلست آكله وانا أكمل قراءة قصة "توايلايت" .. صدق قصة حلوة ... من خلصت حشرت راسهم قلت لهم الحين لازم كابري سن ... < وايد عاطيني ويه لوووول .. ووقفنا عند دكان عشان أخذ العصير قبل ما نسير مول الامارات



فالإمارات مول اشتريت حق عمري هدية "أيوة حق عمري، شو حرام؟ لووول" ... واشتريت للعائلة الكريمة .. حلو الشعور يوم الواحد يحصل هدية، والأحلى يوم أنت تعطي حد الهدية وتشوف الابتسامة على ويوهم


في أشياء شفتها وبغيت أعلق عليها هنيه معاكم:

1- في بوتيك "أرماني" شفت هالغترة، صراحة تميت اشوفها واشوفها وأفكر، هل الرياييل فعلا يهتمون انه غترتهم ماركة؟ المهم أحب كاميرة سوني .. صغيرة ورشيقة وما تبين يوم اطلعها من الشنطة وأصور لوووول


2- ماركة "قس" ... وايد أحب هالماركة .. يعني من كنت صغيرة يوم أشوف المثلث على خلفية سودة ومكتوب عليه قس أو علامة الاستفهام استانس، وايد تعيبني هالماركة، أحب أشياءهم .. وأحب حتى علامة ماركتهم


3- صراحة يوم كنت في "زارا" وقفت جدام هالقميص ويلست أضحك .. بغيت اشتريه بس القياسات مخلصة وأصلا مب باقي منه الا كم قطعة، ضحكت من خاطر .. وايد عجبني .. شكله عبيط لووووووول .. اتخيل شكل الشخص اللي جدامك يوم يشوف القيمص ها عليك؟ لوووول .. في قمصان بنفس الطريقة حلوة .. بس حشى كله نووو سايزس :( ...مشكلة



4- في محل "أويشو" .. حبيت طريقتهم في وضع الملابس في أظرف، وعقب حاطين ستكرات وايد كيوووت، حبيتهم وايد .. ووفروا علي صراحة اني اغلف هاي الاشياء لأصحابها ... سووو كيووووت



وايد هذربت؟ ... همممم يالله ماعليه المهم انا اطلع اللي فخاطري لووول

9 comments:

Anonymous said...

ur blog is waanaseh :D

keep updating :D

Anonymous said...

I really like to read whatever you send,, your way in writing is just like you in reailty,, so classy..
Lil waht is the بالمهياوة
I didn't understand it !! what does it mean?
It's really cute to buy a gift for your slef loOooOOol..
But you said that you were reading when you were at car,, CAN YOU imagine that when I am at car I can not do any thing but looking at the way and pay attention with the driver,, I can not trust whomever is driving me..

Anonymous said...

oh that was me Reem

lil.D said...

photographer~:

Thanks dear ^___^ Glad that it is wenasah lol ... and thanks for passing by ^_^

lil.D said...

Reem~:
I feel really glad when you are here and commenting on my posts ^__^

you make me really laugh@I can't trust whoever is driving, Come'n you have to trust people o el 3mr wa7ed ;)

El mhyawa ... ammmm ع قولتهم عصير سمج لووول ... ها تخصص العيم ^___^ تقدرين تقولين سمج مطحون مع خلطه .. ياكلونها مع خبز الرقاق او الخبز العادي .. مادري صراحه سوي بحث فقوقل بتشوفين وايد عنها لووول

Thanks for your sweet wording, it makes me flatter ^____^

Anonymous said...

السلام عليكم ليل

بصراحة رحلة حلوة ، والمشتريات أحلى ، بس أنا أحيد الكراشيه اللي يسون سندويتشات المشاوه وتوابعها ، الحين طلعوا البتان بعد :)


ماكأنه شكل البلوق يتغير كل ساعة :)

عمير

lil.D said...

عمير~:

عليكم أفضل السلام والرحمة .. شو يعني كراشيه؟ .. ما فهمت .. والله انا اللي شفتهم بتان لووول .. بروحي استغربت .. لكن عشان البيئة لوول لازم يسون! ..ممم في طلب اكيد ولا ما بيسون هههه

عن التصميم .. يالله حتى نستقر على شي لازم نجرب .. وعشان ما تملون ^__^

Anonymous said...

الكراشيه : فئة من الإيرانيه ، أغلب مخابز الشارجة هم ماسكينها ، واللي تسوي خبز وقافي وخبز الرقاق ، طبعا المشاوه وتوابعه يسونه مع خبز الرقاق

فهمي نا فهمي

:)

عمير

lil.D said...

فهمي لكن نا فهمي الخبز الوقافي .. انا احب خبز الرقاق ... >_< ماعندنا مخابز تسويه .. الا جان بيسونه يابس يعني عشان الخبز واللبن ويكون جاهز